Poesia di Alessio Patti
Siciliani pi vuàtri è stu me cantufattu di biddizza e di sapuri,
di libirtà e di na lacrima d’amuri,
ca comu na ciumana
scinni nni lu vostru vantu.
È forti, scarlatu comu na girasa,
spartiddèri di noti arrumatàti
di pani friscu e alivi cunzàti.
È surgiva di petra rasa,
linnu comu specchiu lucenti,
nòbili d’armu e senza scaciuni;
custumatu e rusciànu comu la nostra genti!
Non è sguaiatu ma virginatu,
è pi tutti chiddi c’hannu lu cori ardenti,
pi cu’ di la Sicilia è nnamuratu!
Nessun commento:
Posta un commento